Mişka Şifman ağıllı,
həm də uzaqgörəndir
Bir gün məni çağırıb
Düz üzümə dirəndi:

"Bəsdir ta televizora
qalmışıq baxa-baxa;
İsrailə getməyin
Vaxtı çatıbdır daha".

Mnovniki yolunda
Mişka yenə alışdı:
"Bilirsən, Qolda Meir -
Radioda danışdı..."

Mişkanı dinlədikcə
Az qaldı ağlım çaşa;
Quş olsaydım, uçardım
Təl-Əvivə birbaşa.

Amma birdən ayıldım,
Dedim: "Gedərdim ancaq
Həvəsimi öldürüb
Moşc Dayan - kor qancıq:

O, yad torpağı tutub,
Bir xalqı salıb dərdət
Gedib necə yaşayım -
Haqsızlıq olan yerdə?"

Mişka vurub araqdan
Vəcdə gəldi bir anda:
"Bəs yaxşı olurdumu -
Bizi ərəb qıranda?

Deyəsən, heç xəbərin
Yoxdur sənin bu sirdən;
Bir zamanlar qovublar
Onlar bizi Misirdən..."

Mişka birdən duruxub
Dedi: Tərsliyi burax!
Axı, sənsiz darıxıb -
Orda ölərəm, vallah.

Çoxunu çaş-baş qoyub
Burda gözdon itək biz;
Mnovnıkə quş qoyub
Təl-Əvivə gcdək biz".

Cavabımdan sarsılıb,
Mişka kiridi, susdu:
Pasportumda yazılıb;
Milliyyəti-urusdur.

Orda yoxlayan olsa -
Ilişərəm, bataram.
Qarışığım varsa da,
Uzaqbaşı - tataram.

Amma sənə nə var ki? -
Adlı-sanlı nəsliniz...
Həm də ki, başdan-başa
Yəhudidir əsliniz!

Məni ora qoymazlar,
Yaxşı bilirsən sən də -
Babam antisemitdi;
Antisemitəm mən də.

Sənətindən söz açdım, -
Dədim bəlkə çəkinə;
Orda iş də tapılmır
Deyəsən, heç həkimə

Tanış-zad da yoxdur heç
Dərdimizi bölməyə,
Getsək - bil ki, gedirik -
Biz acından ölməyə.

 
 
 
 

Mişka qışqırdı: "Kolya! -
Buralar bayağıdır
Amma orda dəniz də
İsrailsayağıdır".

Qorxdum Mişka qızışa,
Çıxa işin xatası.
Tez dilləndim: "Gəl gedək!
Di sakit ol, qadası."

...Yüz adamın içindən
Məni seçib ayrıca,
Dedilər ki, təkcə sən
Gedəcəksən xaricə.

Mişka coşdu: "Bu nədir? -
Mən - cuhudam, osa - rus.
Mişkaya dedilər ki:
Bas bayıra, həm do sus.

Hara gəldi üz tutdu,
Harnıya ağız açdı.
Eşitdiyi cavabdan
Mişka karıxıb, çaşdı.

Daha susdu, kiridi,
Ta çatıldı qaşları -
Sən demə, İsrailə
Qoymurlar alkaşları.