Дусларым каршында бурычлы мин,
Ә алар соң - минем каршымда,
Тик алар яшәве бик сәер шул...
Мин дә шактый сәер асылда...

Хат языгыз, дусларым, языгыз,
Бүләк итегез изге мизгел -
Юкса мин, абынып, егылырмын:
Күңел кылларым үтә сизгер.

Җырларымны сезгә багышлыймын -
Хыялый күперләр янмасын:
Алхатын һәм акча даулаучылар
Яуларда, көч сынап, талмасын!

Хат языгыз, дусларым, языгыз -
Бәхетле булыйм мин дә әз-мәз.
Юкса наз-мактауда коенмыйча
Үлсәм, хәтта эш хакым килмәс...