Қоялар бардоши шамолга бардошсиз довонда
Кимсанинг оёғи етмаган кунжакда серитоб,
Яшаркан тоғдаги Акс-садо кувончу омонда
Одамлар сасига жавобан қиларкан у хитоб.

Ёлғизлик бўғзингга жам бўлиб тиқилса, лабингдан
Пажмурда нола жим жарликка йиқилса ногаҳон,
Акс-садо ёрдамга чорловга етаркан, кўтариб,
Йироқроқ элтаркан - атрофга ўрларкан Илтижо!

Ароқ ва гиёҳга ўрганган бадният жонзотлар
Жовид жон қасдида боғламиш Акс-садо қўлини.
Сездирмай пайт пойлаб оғзига тиқдилар бир бало
Унин ўчирдилар, жарангаинг кесиб умр йўлини!

Тун бўйи, тинмади, тинмади қонли бу жараён
Топташди: Акс-садо, бирор ун бермади ҳеч кимга
Азонда отишди жон берди тоғдаги Акс-садо... кўрсанглар -
Ярадор қоядан кўз ёшдек думалар тошлару харсанглар!..