ܐܸܢ ܡܘܼܒܝܸܢܵܐ ܩܵܬܘܿܟܼ ܡܸܢܫܸܠܬܵܢܹܐ ܒܘܼܬ ܚܲܕَ ܚܲܒܼܪܵܐ،
ܕܠܹܐ ܝܠܹܗ ܚܲܒܼܪܵܐ، ܘܐܵܦ ܠܵܐ ܒܥܸܠܕܒܼܵܒܼܵܐ..
ܐܸܢ ܠܲܝܬ ܒܡܨܵܝܬܘܿܟܼ، ܒܠܒܼܝܼܒܼܘܼܬܘܼܟܼ، ܕܝܵܕܥܸܬ
ܕܝܼܠܹܗ ܣܸܪܝܵܐ ܝܲܢ ܛܵܒܼܵܐ
ܢܵܒܸܠܹܗ ܥܲܡܘܿܟܼ ܕܣܵܠܸܩ ܠܛܘܼܪܵܐ،
ܘܬܵܡܵܐ ܠܵܐ ܫܵܒܼܩܸܬܠܹܗ ܠܚܘܿܕܹܗ
ܫܲܒܼܩܸܬܠܹܗ ܥܲܡܘܿܟܼ ܒܚܲܕَ ܚܝܵܨܵܐ
ܗܵܝܓܵܗ ܒܸܬ ܝܵܕܥܸܬ ܡܵܢܝܼ ܝܠܹܗ.
ܐܸܢ ܪܚܸܫܠܹܗ ܥܲܡܘܿܟܼ ܠܛܘܼܪ̈ܵܢܹܐ ܕܠܵܐ ܚܢܵܓܼܬܵܐ
ܐܝܼܢܵܐ ܐܸܢ ܪܦܝܼܠܹܗ، ܘܦܣܸܥܠܹܗ ܚܕܵܐ ܦܣܵܥܬܵܐ
ܥܲܠ ܓܠܝܼܕܵܐ ܘܬܘܼܪܩܸܠܹܗ،
ܘܡܼܢ ܒܵܬَܪ ܗܵܕܵܐ ܨܪܸܚܠܹܗ ܒܩܵܠܵܐ ܪܵܡܵܐ، ـ
ܡܲܥܢܵܝܵܗܿ ܝܼܠܵܗܿ ܗܿܘ ܕܝܼܠܹܗ ܥܲܡܘܿܟܼ.. ܢܘܼܟܼܪܵܝܵܐ ܝܠܹܗ
ܠܵܐ ܛܲܠܡܸܬܠܹܗ.. ܛܲܪܕܸܬܠܹܗ
ܒܗܿـܝ ܕܐܲܝܟܼ ܕܸܝܹܗ ܠܸܐ ܦܵܝܫܝܼ ܢܘܼܒܠܹܐ ܠܥܸܠܵܝܘܼܬܵܐ
ܘܠܲܐܟܼܵܐ ܒܘܼܬ ܕܵܡܝܵܝܹ̈ܐ ܥܲܠܹܗ ܠܹܐ ܙܲܡܪܝܼ.
ܘܐܸܢ ܗܿܘ ܠܹܐ ܝܠܹܗ ܢܘܼܟܢܸܟܵܐ ܘܐܵܦ ܠܵܐ ܫܸܟܝܵܐ،
ܐܵܦܸܢ ܕܝܼܗَܘܵܐ ܟܡܝܼܪܵܐ ܘܙܥܝܼܦܵܐ، ܐܝܼܢܵܐ ܪܚܸܫܠܹܗ ܥܲܡܘܿܟܼ
ܘܐܝܼܡܲܢ ܕܐܵܢَܬ ܢܦܸܠܘܿܚ ܡܼܢ ܥܲܠ ܟܹܐܦܹ̈ܐ
ܬܘܼܢܸܚܠܹܗ.. ܘܕܒܼܸܩܠܹܗ ܐܸܠܘܿܟܼ.
ܘܐܸܢ ܐܵܙܸܠ ܥܲܡܘܿܟܼ، ܐܲܝܟܼ ܕܐܸܢ ܒܹܐܙܵܠܵܐ ܝܠܹܗ ܠܩܪܵܒܼܵܐ
ܘܬܵܡܵܐ ܥܲܠ ܩܲܪܩܸܦܬܵܐ ܕܛܘܼܪܵܐ ܟܸܠܝܵܐ ܚܸܕܝܵܐ
ܐܵܗܵܐ ܒܸܥܢܵܝܵܐ ܝܠܵܗܿ، ܐܲܝܟܼ ܕܣܲܢܕܸܬ ܠܓܵܢܘܿܟܼ،
ܡܵܨܸܬ ܕܣܲܢܕܸܬ ܥܲܠܹܗ.
|