ܐܵܢܵܐ ܠܹܐ ܡܲܚܒܸܢ ܚܸܠܩܵܐ ܦܣܝܼܩܵܐ ܘܡܼܢ ܚܲܝܹ̈ܐ ܗܸܝܟ ̰ ܠܹܐ ܗܵܘܸܢ ܠܸܐܝܵܐ (ܟܟ̰ܝܼܚܵܐ) ܠܹܐ ܡܲܚܒܸܢ ܗܸܝܟ ̰ ܐܲܩܡܵܐ ܡܼܢ ܐܲܩܡܹ̈ܐ ܕܫܹܢَܬܵܐ ܒܥܸܕܵܢܵܐ ܕܠܹܐ ܙܲܡܪܸܢ ܓܵܘܹܗ ܙܡܲܪ̈ܝܵܬܹܐ ܕܚܲܕܘܼܬܵܐ. ܐܵܢܵܐ ܠܹܐ ܡܲܚܒܸܢ ܒܘܼܠܓܵܢܵܐ ܩܲܪܝܼܪܵܐ ܐܵܦ ܠܹܐ ܡܗܲܝܡܢܸܢ ܒܛܲܢܵܢܘܼܬܵܐ.. ܘܠܹܐ ܡܲܚܒܸܢܵܗܿ ܐܵܦ ܙܹܐ ܠܹܐ ܡܲܚܒܸܢ ܐܝܼܡܲܢ ܕܩܵܪܹܐ ܚܲܕَ ܢܘܼܟܼܪܵܝܵܐ ܠܐܲܓܵܪ̈ܝܵܬـܝܼ، ܘܗܿܘ ܓܵܫܘܿܩܹܐ ܡܼܢ ܒܵܬَܪ ܪܘܼܦ̮ܫܝܼ. ܐܵܢܵܐ ܠܹܐ ܡܲܚܒܸܢ، ܐܝܼܡܲܢ ܕܦܵܐܸܫ ܩܸܛܥܝܵܐ ܕܘܼܪܵܫܵܐ ܟܲܕ ܗܵܠܵܐ ܠܵܐ ܬܘܼܡܸܡܵܐ  ܐܵܦ ܙܹܐ ܠܹܐ ܡܲܚܒܸܢ ܐܝܼܡܲܢ ܕܕܵܪܝܼ ܓܘܼܠܬܵܐ ܡܼܢ ܒܵܬَܪܵܐ ܠܵܐ ܘܠܵܐ ܐܵܦ ܙܹܐ ܡܼܢ ܩܲܕَܡܵܐ. ܐܵܢܵܐ ܠܹܐ ܝܘܸܢ ܩܵܒܘܿܠܵܗܿ ܒܝܼܫܘܼܬܵܐ ܚܠܲܦ ܟܹܐܢܘܼܬܵܐ ܬܲܘܠܥܵܐ ܕܦܘܼܫܵܟܼܵܐ ܫܘܼܒܼܗܵܪܵܐ ܕܚܡܵܛܵܐ ܝܲܢ ܐܝܼܡܲܢ ܕܡܫܵܕܹܐ ܟܬܵܢܵܐ ܒܗܸܦܟܵܐ ܕܝܘܼܪܟܼܘܼܬܹܗ ܝܲܢ ܐܝܼܡܲܢ ܕܛܪܝܼܩܵܐ ܝܠܹܗ ܦܪܸܙܠܵܐ ܥܲܠ ܙܓܼܘܼܓܼܝܼܬܵܐ. ܐܵܢܵܐ ܠܹܐ ܡܲܚܒܸܢ ܬܘܼܟܼܠܵܢܵܐ ܕܣܒܼܝܼܥܹ̈ܐ ܘܒܘܼܫ ܝܲܬܝܼܪ، ܫܪܵܪܵܐܝܼܬܼ، ܕܠܵܐ ܒܗܸܦܟܵܐ ܕܡܲܟܠܲܝܬܵܐ ܘܕܗܵܘܝܼ ܕܲܠܩܘܿܒܼܠ ܐܝܼܡܲܢ ܕܗܵܘܝܵܐ ܡܸܠܬܵܐ ܕܐܝܼܩܵܪܵܐ ܡܘܼܢܫܝܼܬܵܐ ܝܲܢ ܐܝܼܡܲܢ ܕܦܵܐܸܫ ܐܝܼܩܵܪܵܐ ܡܸܚܝܵܐ (ܠܝܼܛܵܐ) ܩܲܕَܡ ܥܲܝܢܵܐ. ܘܐܝܼܡܲܢ ܕܚܵܙܸܢ ܠܓܘܼܠܦܹ̈ܐ ܫܡܝܼܛܹ̈ܐ ܠܹܐ ܫܲܩܠܵܐ ܠܝܼ ܪܲܚܡܵܢܘܼܬܵܐ، ܘܥܸܠܵܬܹ̈ܐ ܡܣܝܼܡܵܢܹ̈ܐ ܘܐܵܢܵܐ ܠܹܐ ܡܲܚܒܸܢ ܚܲܝܠܵܐ، ܘܠܵܐ ܐܵܦ ܢܘܝܼܠܘܼܬܵܐ ܐܝܼܢܵܐ، ܫܒܼܘܿܩ ܡܼܢ ܗܵܕܵܐ، ܡܪܘܼܚܸܡܠܝܼ ܠܙܩܝܼܦܘܼܬܵܐ ܕܡܫܝܼܚܵܐ. ܐܵܢܵܐ ܠܹܐ ܡܲܚܒܸܢ ܠܓܵܢܝܼ ܐܝܼܡܲܢ ܕܗܵܘܸܢ ܒܸܙܕܵܥܵܐ ܘܐܵܢܵܐ ܠܹܐ ܗܵܘܸܢ ܡܣܲܝܒܪܵܢܵܐ ܐܝܼܡܲܢ ܕܡܵܚܝܼ ܠܒܪܝܼܪܹ̈ܐ ܘܠܹܐ ܡܲܚܒܸܢ ܐܝܼܡܲܢ ܕܥܲܒܼܪܝܼ ܡܼܢ ܪܘܼܚܝܼ ܘܒܘܼܫ ܝܲܬܝܼܪ ܡܼܢ ܕܐܵܗܵܐ ܐܝܼܡܲܢ ܕܪܵܝܩܝܼ ܥܲܠܵܗܿ. ܐܵܢܵܐ ܠܹܐ ܡܲܚܒܸܢ ܡܲܝܕܵܢܹ̈ܐ ܕܣܹܝܪܟ ܘܠܵܐ ܚܘܼܕܪܹ̈ܐ ܕܛܲܐܵܠܝܵܬܹ̈ܐ ܒܗܿـܝ ܕܬܵܡܵܐ ܪܸܚܡܬܵܐ ܟܹܐ ܦܵܝܫܵܐ ܬܘܼܡܲܡܬܵܐ ܒܪܘܿܒܝܼܠܹ̈ܐ ܘܬܵܡܵܐ ܠܩܲܕَܡܵܐ ܒܸܬ ܗܵܘܝܼ ܪܵܒܵܐ ܫܘܼܚܠܵܦܹ̈ܐ ܓܘܼܪܹ̈ܐ ܘܥܲܠ ܟܠ ܕܐܵܗܵܐ ܐܵܦ ܙܹܐ ܠܹܐ ܡܲܚܒܸܢܹܗ.
© Michael Mammoo. Translation, 2014