Ӏэду сэиктэ хасиктаӈи силдунӡини,
Ӏэду ӈээлэм ӡилданӡини гаса.
Бӣси сӣ ниӈичипулэ сӣду,
Эввури ӈэннō тамаччуддā.

Сэнэттурэ биӡини хэдум холӡēло,
Биӡин тугдэм тӯрило дэксу -
Би симбē эмэччу дапаӡӡиви нээӡи
Дукутаи, хаиду хуппини кѳjѳѳчикку.

Бивэси ниӈиччил миӈга ананнē
Нээгдэддӯ, миндуддээ сомихал.
Мѳрѳччиси-улиӈгадума анā
Эриӡи, ниӈичипула сӣӡи.

Биӡин хамдаттаду силэскэ анā,
Биӡин бē наӈнандō соримари бӣчи, -
Бӣ симбē эмэччу дапаӡӡиви нээӡи
Ӈээм дуктаи намутаи итэччитэи.

Хамачē инэӈиду, хамачē эрунду
Миттэи нээлиси сӣ нандээкэ?
Хāли ӈалаӡӡи орогливи симбē
Тавасаи, хаиду эввури бāрэ.

Ананасигис - доромосиви симбē, -
Постоjjӯ кусуби вээдэхэмби?
Утэмидуддээ бибуӡӡи сӣ уну и
Дукулба ӈуи дуллē дапахандулачи.